Forum wel,
forum nait,
is nait aine dij dat wait.
Hoge heren
dij regeern,
babbeln d’r over laank en braid.
Hou t ook wordt,
t kost veul geld,
mor dat is al laank veurspeld.
Politiek
rekent zok riek.
Sommege lu zain n zak mit geld.
Waiten je wat?
Hier is n plan.
Moak er n oftelverske van:
wel, nait, wel,
wat een getel,
kriegen ze vervast ain puntheufd van.
Mor ik vrees
dat deur ’t tellen,
’n poar bestuurders zok ‘vertellen’.
‘k wait hail wis,
din gait t mis
112 mouten ze din bellen.
Hoge heren
van de road.
Sikkom bekòf van t geproat.
Gain gezeur,
Kop dr veur.
Onze stad vroagt goie road.
Willy Walters
